資訊科技與太極拳

資訊科技與太極拳
12102017 晨早 05:30 【一個人在途上】
朝早起身， 匆匆忙忙 洗面刷牙 趕返工。已經成為城市人的生活常態。已前成日講，唔使急，再緊要快。心裡總覺得係一句癈話，要做到真難。

今日，我重回返工的日子已經第四十二日了。無打工近十年。如今重新踏上班之路，發覺比從前輕鬆很多，係心理上的輕鬆。原因有貳。
其 一 經濟上的 負擔，確實小了。所以工作壓力方面，確實小了很多。
其二 對環境變數的掌握能力，大了不小。
從前從夢中躍醒，被叫醒，鬧醒時。心内只有一個念頭。就係盡快洗面屙屎，食早餐。趕趕碰碰地踏出家門，希望以最快速度去到巴士站。 甫出大門，例必雙目四望，務求盡快掌握巴士的行蹤為要。 奈何仍然常常失誤，不是在車站呆等巴士，就是一邊鬧司機，一邊送巴士尾。每日返工未到公司就，不自覺的精神緊張一番。
時至今日，情況真係唔同晒啦！ 能掌握的變數多得多了。變數依然，但科技令祂變成看得見，摸得到。巴士幾時到，到唔到，有幾多班車到。須要幾多時間去到目的地，有幾多條線路供選擇。都能看得到，預得準。只要學會掌握它，萬事就如意了。
有如太極拳的借力打力。你控制唔到對手幾時用力，幾時攻擊。但你可以摸透對手的動作行俓。 藉以乘對手的來勢，借力打力。使對手敗於不知不覺中。但首要神淨意鬆。運用太極拳，首要唔使急於攻擊，但時機到到，就攞位發人放人時 最緊要快，狠，準。才能做到後發先至， 四兩撥千斤。同樣就萬事如意了。