定 . 率性而為

101817 【 定 . 率性而為】
無緣無故被冷落的感覺，其實十分鬱悶。 或者係我對別人的反應太敏感啦 ! 別人嘅態度有少少轉變，我就察覺得到。 再加上佢喜歡率性而為。好少理會人哋嘅感受。所以有好多同輩都同我講，有相同嘅感受， 而感覺莫名其妙。 唯有無奈的嘆一口氣之後。 執起支筆 亂寫一通， 以抒發一吓唔好嘅情緒啦。
最近學咗一種入定嘅方法。呢個法門真係幾好。
法師話，當有念頭產生嘅時候。無需阻止，無需理會，不回答，不要自己同自己說話。我就依照呢個法門練習。的確係容易入定得多。無論聽到乜都可以唔理。漸漸地。真係可以做到聽而不聞。 下一步就係練習看而不見，感而不覺，嗅而不味，嬲而不怒。
恐而不懼。最希望在可以做到嘅，當然係 鬱而不悶啦！