< 徽幟背後的故事 >

< 徽幟背後的故事 >
112217 - 3
第一次上庭，戰戰兢兢難免。不是懾於衙門的威儀，而是對這個政權的不信任。 由踏出家門的一刻，我已決定認罪了事。反正已經失了閒廠，那又何需吝嗇粒糖？一於平常心面對。
今日風和日麗，應該係吉日，Tee 恤加一件薄風褸。走在微微清涼的街道上，清爽中帶點溫暖。跳上巴士，好快就來到法庭附近。上到本庭 ,庭外好多人正在等候。我揾到一個冇曬嘅位坐低….等。 入庭…..感覺不真實，區徽不神聖。冇那種莊嚴的感覺。 從前宗主國的那個皇冠， 凌駕在政府部門的徽幟頭上。莊嚴肅穆﹑正氣凜然。雖然非我族類， 但其實施的政策，令呢個地方，由一個國家恥辱，變成一顆東方明珠。喺度生活嘅，人人自豪﹑安居樂業﹑心靈飽足﹑世人欣賞。一度成為天堂之地。
易經序卦傳話，物不可以終泰，故授之以否。陽盡就一陰生。20年過去了。現在陰氣已經上到，九五爻陽氣將盡的位置之山地剝了。妖孽盡出，天昏地暗﹑民不聊生，每日每天都歪理連篇。 喺度生活嘅人，苦不堪言。望住呢個區徽，恥辱感遍佈全身。 二戰之後人哋用了 40 年，將呢個地方擦得閃閃發亮。魔鬼只用了一半時間，就把明珠變石頭了。

< 殘舊地方裏的孤獨老人 >

< 殘舊地方裏的孤獨老人 >
112117
看著他走路時，怪模怪樣的背面，似拐非拐，兩肩歪斜，頭顱傾側。邊行邊自言自語，手舞足蹈的身影。感覺可憐又可怕，接近70高齡的今天。還是孤身一人在這老舊的地方幹活。雖然是一區之長，但看他對工作出錯的驚恐，對下屬的不包容，得不到同事的友誼。的確是悲哀中的恐怖，使人敬而遠之。難道這就是命運？
意識創造實相，我相信一切皆由意識起。相由心生。乜嘢意識，就產生乜嘢嘅 外形。萬物皆如此。

< 同是一堆垃圾 >

< 同是一堆垃圾 >
112117 - 2
晨咁早行經公園，見到滿櫈垃圾。係食物包裝廢物，感覺極不舒服。自問真係做唔出呢啲事，每有垃圾細如香口膠紙包裝紙 等等…都要掉入垃圾桶才安樂。如果唔係就好做咗壞事咁。究竟啲人亂咁掉垃圾係乜嘢心態呢？自己生活嘅地方，唔好好愛護，搞到烏煙瘴氣。
最近睇到網上有條片。講述日本啲坑渠，片中見到他們的，真的不能說是坑渠。跟本可以叫做小溪，清澈的小溪。渠入面竟然有魚，係鯉魚。真是乾淨得可怕。日本呢個民族真係好可怕。 或者調返轉頭講。日本人覺得中國人好可怕，隨地揼垃圾不特只， 還隨時隨地屙屎屙尿。我自問真係做唔到日本人咁乾淨，咁愛護自己嘅地方，我都會喺冇人睇到嘅時放飛劍，有時﹑一支細細嘅牙籤，我會隨地揼，但都會有一剎那的罪疚感。
睇睇呢堆垃圾，應該係7 11便利店嘅食物包裝。食呢啲嘢嘅人因為深宵肚餓難忍，於大快朵頭之後，就乜都唔理。淨係呢種心態，已經刻人憎。 養不教父之過，都係佢哋父母冇好好教育佢哋，又或者佢父母都需要教育。
就現場環境嚟睇，路宿者嗰竇仲整齊過嚟度。
路宿者瞓街，同呢啲瞓街又唔同。以前路宿，可能係一啲自暴自棄嘅人。 但回歸之後，好多路宿者都係 苛政之下的受害者。迫不得意之下，變成瞓街。
正所謂 < 朱門酒肉臭，路有凍死骨。> 真係悲哀！點解變成咁？ 以前到處有希望，只要你肯努力，總有成功嘅故事。 舊時﹑總是歡喜聽到別人努力成功的故事。 聽完心裏總有點安慰。付出一定有收穫，會羨慕啲成功人士。 但而家見到社會上一啲所謂成功人士。多數都係偷呃拐騙，壞事做盡，其實 嚴格嚟講，佢哋根本就係垃圾，係一堆人形垃圾。與眼前櫈面呢堆垃圾冇分別。